Le Direct

Levée du statut de DPS : il faut amplifier la mobilisation dit Core in Fronte

« Dopu à l’iniziativa pulitica d’una riflissioni è d’azzioni cumuni iniziati da u muvimentu naziunali corsu, u guvernu francesu, via u so primu ministru jean castex, hà presu una misura minimalista, caccendu u statutu di DPS à Alain Ferrandi è Pierre Alessandri. L’affari hè prisintatu com’è misura di paci, ma di fatti ùn si tratta chivi chè di fà appiicà u drittu », dici Cori in Fronti in un cumunicatu.

« U statu ùn ni porta risposta à i trè punti purtati da tutti i forzi patriottichi accolti in Corti marcuri, u 9 di marzu », « è si cuntenta di rimetta à più tardi una riflissioni à nantu à u statutu lla Corsica. Issa tecnica di pulitichedda, quidda chì pruponi sempri una rinfriscata stituziunali, hè una trappula par vincia tempu, masimu cù l’alizzioni prisidinziali chì s’avvicinani », dici Cori in Fronti.

« Par escia ni da issu cunfrontu, disparu, trà u populu corsu, minuritariu à nantu à a so tarra, è u statu francesu, ghjuvaria una supravista internaziunali à liveddu aurupeanu, masimu chì a francia n’hè avali à a prisidenza di l’unioni », dici Cori in Fronti chì ni chjama tutta a sucità corsa à ampiificà a mubilisazioni duminica, u 13 di marzu in Bastia, da chì a Corsica duventi tarra di ghjustizia.