Les Socios du SC Bastia lancent un vote pour rentrer dans le capital du club
(A ridazzioni d'Alta Frequenza) - Passu à passu si faci a ricustruzzioni llu SC Bastia. A squadra, ch’ùn tricarà tantu à cuddà in Naziunali 2, hà da avè da quì à pocu una struttura di tippu SCIC : sucità cuuparativa d’intaressu cullittivu. Hè issa strada chivi ch’era stata scelta da i dirighjenti lla squadra. Issa struttura duvaria permetta à i Cullittività d’essa azziunarii lla squadra (!), ma, da inizià l’affari, l’azziunarii maiuritarii sarani i famiddi Luiggi è Ferrandi – chì sò i dirighjenti attuali. Duvariani invistiscia 300 000 € par omu. Forsa ch’iddi ci sarani, dinò, i 5 000 socios di a squadra. Pinsendu ci dighjà, i socios chjamani i so membri à vutà, via u so situ secb.corsica, da validà un invistimentu di 200 000 € in a SCIC, ciò chì li pirmittaria d’avè dui eletti à u cunsigliu d’amministrazioni è 20 % di i dritti di votu.
