Les Prodiges de la République récompensés en Haute-Corse
Vennari, u prifettu llu Cismonti hà rimissu i premia « Prodiges de la république » à trè parsoni di menu di 30 anni, parvia di a so azzioni à u sirviziu di l’intaressu ginirali.
Elena Gomes, studianti in Corti, si era impignata cù i sirvizia di l’aducazioni naziunali, da accodda è inquadrà i fiddoli lli parsunala midicanti è di l’agenti llu sirviziu publicu, mentri a missa in anda d’unu SMAG (sirviziu minimu d’accolta è di guardia) à a scola primaria François Amadei, in Paese Novu, in Bastia.
Damien Allègre, liceanu in prima in Bastia, si hè impignatu chì sò aghjà dui anni cù u sirviziu dipartimintali di l’Anziani Cumbattanti. Hà aiutatu à cuncipì è rializà parichji azzioni mimuriali pidagogichi iniziati da l’ONACVG, in u quadru di a missioni « Mémoire ».
Michel Serra, infini, hè statu beddu attivu à i primi tempa llu Covid19. Hà missu in anda un’unità di pruduzzioni di viseri cù a reti Makers Uniti, in associu cù u FabLab di l’università di Corti.
Trà u 25 di marzu è a fini di maghju llu 2020, hà fattu cù a so cumpagna più di
2 000 viseri : 1 300 di quissi ani ghjuvatu à parsunali di saluta.
Steti à senta à Michel Serra, chì ci conta u fattu.
In quantu à Damien Allègre, voli metta in risaltu a impurtanza di tena si a mimoria lli cunflitti passati. Par iddu, si tratta supr’à tuttu lla siconda guerra mundiali, un sughjettu ind’idd’hè statu forti u so impegnu.
Steti lu à senta.
Sur le même sujet
