Les pêcheurs ont bloqué les ports d'Ajaccio et Bonifacio
(A redazzioni d'Alta Frequenza) - I piscadori di i prudumii d’Aiacciu è di Bunifaziu ani rializatu arimani (luni) un’azzioni simbolica blucchendu l’accessu à ssi dui porti duranti una bella parti di a ghjurnata. I rivindicazioni : a presa in contu di u metudu di a pesca tradiziunali in Corsica, è micca u fattu chì l’Auropa impunessi legi è misuri privisti pà a pesca industriali. Nanzi à meziornu, u portu d’Aiacciu hè statu libaratu, com’è quillu di Bunifaziu in principiu di dopu meziornu dopu à l’annunziu di una riunioni à 5 ori di sera trà u prifettu di Corsica è una dilegazioni di piscadori. S’è u raprisintanti di u Statu inde l’isula ùn voli micca vultà annant’à i reguli aurupei, ss’ultimu hà dittu chì quissi quì duviani essa appiecati di manera seria è rialista.
Steti à senta i pricisioni di Vincent Chiocca, pà a prudumia di Bunifaziu.
Sur le même sujet
