Les habitants de la cité des Monts à Bastia se mobilisent de nouveau contre la démolition annoncée de deux barres HLM
(A ridazzioni d'Alta Frequenza) - Luni à sei ori, l’abitanti di a « Cité des Monts » di Bastia, urganizighjani una riunioni publica in a sala pulivalenti di Lupinu. Volini fà senta, senza fà pulitica micca, ch’iddi sò scuntenti à veru di pettu à u prughjettu di a cità di Bastia, chì voli lampà i bastimenti 32 è 33, chì sariani troppu vechji, par via d’un pianu di rinovu è di ridifinizioni di i quartieri sud. A mirria dici chì par rinuvà, ci vurria à dispiazzà, ancu par un tempu, l’abitanti. L’abitanti, iddi, dicini ch’iddu si pò rinuvà senza viutà i palazzi. Certi di iss’abitanti sò cinquant’anni ch’iddi stani chivi, è ùn volini, mancu stampa, ch’iddi sichini lampati issi palazzi.
Stemu à sentà à Eliane Isetti, abitanti di u bastimentu 33 di a « Citè des Monts »
