Les grévistes de la faim de la Ghjuventù Indipendentista stoppent leur action
(A redazzioni d'Alta Frequenza) - Dopu una simana di greva di a fami, a decina di militanti di a Ghjuventù Indipendentista chì avia ingaghjatu ss'azzioni quì hà dicisu di compiala. Una dicisioni presa dopu à l'annunziu da u ministru di a Ghjustizia, Jean Jacques Urvoas, à Corse Matin, di l'avvicinamentu in U Borgu di Nicolas Battini è Stéphane Tomasini da quì à trè simani à u più. S'è pà u prima citatu, a timpuralità duvaria essa quissa quì, sicondu a Ghjuventù Indipendentista, Stéphane Tomasini duvaria essa trasferitu più in furia, da quì à calchì ghjornu o ancu da quì à calchì ora. U scopu hè oramai chjaru pà a GI, avvicinà tutti i prighjuneri in Corsica da quì à Natali, è di sicuru di cuntinuà à milità pà l'annistia di i prighjuneri pulitichi. Prima petra à l'edifiziu cù una riunioni maiò marti incù tutti l'attori pulitichi, assuciativi è altri chì vularani raghjunghja a dimarchja pà pudè metta in ballu un pianu d'azzioni.
Steti à senta à Paul Salort, u presidenti di a Ghjuventù Indipendentista.
Sur le même sujet
