Le Direct

Les familles de détenus corses par la SDAT en région parisienne montent au créneau

(A redazzioni d'Alta Frequenza) - Ssa dumenica, famighji, ghjenti vicini è amichi di i prighjuneri corsi incarcerati ind'u rughjoni parighjinu ind'u quadru d'affari gistiti da a Sottu direzzioni contr'à u terrurisimu, a SDAT, ani urganizatu una cunfarenza di stampa davanti à u palazzu di ghjustizia di Bastia pà fà cunnoscia i rivindicazioni di a so ghjenti imprighjunata. S'è quattru sò stati cundannati pà un tempu longu, l'altri sò incarcerati di manera priventiva, l'affari chì i toccani essendu sempri in struzzioni. S'è di sicuru a rivindicazioni maiò ferma l'avvicinamentu in Corsica di ssi prighjuneri, ricusatu par via di un bisognu, sicondu l'amministrazioni penitenziaria, di vicinanza geugraffica cù i ghjudici di struzzioni, altri più urghjenti sò stati ammintati. Ssi prighjuneri dumandani d'essa tutti aduniti in Fresnes, prighjoni a più vicina da l'aeruportu d'Orly da fà chì i spiazzamenti di i so famighji sighini i più corti pussibuli, è ind'a listessa divisioni pà pudè intrattena leii suciali trà d'elli. Infini, quissi quì dumandani u dirittu di pudè utilizà i cabini telefonichi à dispusizioni di l'altri prighjuneri, ciò chì l'hè ricusatu par avà, è què ancu s'è i parlatoghji li sò autorizati.

Steti à senta à Félicia Benedetti.