Les élections territoriales pourraient être reportées en raison de la crise sanitaire
Sarani attimpati l’alizzioni dipartimintali, righjunali o tarrituriali di u 14 è u 21 di marzu ? Ci hè di chì pona si a chistioni, à cinqui mesa llu votu è à l’attaccà d’un novu cunfinamentu.
U « Figaro » mintuvighja una lettara di missioni, signata da u primu ministru francesu, chì parla di a pussibilità di rimetta li à più tardi, da ùn ritruvà a pulemica è i capatoghji di i municipali di marzu llu 2020.
Diciaria issa lettara chì, parvia di l’epidemia è di u so pesu in i campagni alitturali è l’urganisazioni llu scrutinu, u guvernu hà ricivutu pruposti da attimpà l’alizzioni, chì si poni a chistioni di a so urganisazioni dendu cundizioni sanitarii ottimi.
Tuccarà à Jean-Louis Debré à fà viaghjà una cunsultazioni larga sapendu chì, cacciatu u pinseri sanitariu è u ghjudiziu, c’entri dinò in issu dibattitu u intaressu puliticu di i partiti, ch’ùn ani tutti i stessi intaressi.
Certi dighjà vurriani attimpà u votu, mentri chì certi altri u vurriani mantena à tutti patti.
A risposta à issa chistioni duvaria essa data da quì à un mesi, è soca ch’idda cuntarà tandu a situazioni sanitaria in fin’di cunfinamentu.
Sur le même sujet
