Les deux centrales d'Ajaccio et de Bastia seront bien alimentées au gaz naturel
(A redazzioni d'Alta Frequenza) - U 23 d’aprili, u cunsighju di l’energia, di l’aria è di u clima di a Corsica s’hà da aduniscia pà pudè trattà un sughjettu assai impurtanti. Si parlarà in fatti di a revisioni di u pianu energeticu di a Corsica, hè di u 2005, è di lancià a missa in ballu di a nova PPE, a prugrammazioni pluriannuali di l’energia, di Corsica. Paul Giacobbi è u prifettu di Corsica duvarani dunqua pighjà in contu l’ultimi sviluppi inghjinnati da i scambii trà a ministra di l’Eculugia è a raprisintazioni pulitica isulana. U dispusitivu privistu in materia energetica pà a Corsica ùn hè micca un scoop, ma pari ch’è no ghjunghjissimi à a so cuncretisazioni. I dui cintrali d’Aiacciu è di Bastia sarani bè alimentati cù u gaz naturali cù una struttura à u meziornu di Bastia è cù u gazoduc dittu « Cyrénéeé » chì farà un’arretta pà Purtivechju.
Steti à senta à Maria Giudicelli, cunsighjera esecutiva in carica di a quistioni energetica.
