Les déplacements dans le grand Bastia sujets d'une étude commandée par la CAB
(A redazzioni d'Alta Frequenza) - Ssu marti, i cunclusioni d'un studiu nant'à i spiazzamenti di u Grandi Bastia, da Brandu fin'è A Lucciana, sò stati prisintati da a Cumunità d'Agglumerazioni di Bastia, chì l'hà purtatu. Di fattu, sò guasgi 50 000 vitturi chì passani, ogni ghjornu, pà a strada tarrituriali 11, l'anziana naziunali 193, cù un trafficu maiò à u meziornu di Bastia fin'è Biguglia. Cuncirnendu u staziunamentu, a cità hè carca à più pudè mentri a ghjurnata, cù un sciffru putenti, quillu di 103% d'occupazioni di i piazzi di parking, vali à dì di manera cuncreta chì ci sò di più vitturi cansati, di manera legali o micca, cà piazzi di parking dispunibuli. Cuncirnendu i trasporti in cumunu, nant'à u Grandi Bastia, raprisentani solu 3,3% di i spiazzamenti. Sciffri chì parmettini di capiscia meghju l'affari prima chì dicisioni pulitichi intarvinessini à a fin'di l'annu, com'ellu a ci dici u presidenti di a CAB.
Steti à senta à François Tatti.
Sur le même sujet
