Les communes de Corse pourront rouvrir leurs plages dès ce jeudi de l'Ascension
Quantè ch’idda fussi impurtanti, era aspittata issa dicisioni : à parta si da issu ghjovi di a Scinsioni, a maior’ parti di i marini corsi sarani aparti à u publicu, da u pisà à u chjinà llu soli, par casu chì i cumuni n’achini fattu dumanda.
Ma, da pudè rispittà un certu scartu fisiscu, sarani difesi biendi alculizati è brasgeri. Ci vurrani à u minimu 5 metri di scartu trà ugni gruppu di 10 parsoni. Affittu di carrechi longhi o strapunti ùn si ni farà, chì ùn hè statu difinitu un prutucollu sanitariu pà issi cosi.
A cumunità di i cumuni di a Pievi di l’Urnanu hà dumandatu chì i so marini ùn sichini aparti chè pà i spassighjati, senza a pussibilità di stenda si cù l’asciuvamani.
Coti è Chjavari, Appietu è Alata si tenini par avali i so marini chjusi, com’è colpu à colpu certi altri cumuni.
À senta ni à franck robine, u prifettu lla Corsica, hè una prima prova innanzi ch’idd’affacchi a statina.
I porti pà i sciali è l’attività nautichi pudarani ripiddà i so attività, sè i cumuni n’ani fattu dumanda.
Stemu à senta à Franck Robine, u prifettu lla Corsica.