Le Direct

Sò un pocu più pricisi i circustanzi di l’assassiniu, in Bonifaziu, di Paul Rocca,

Photo : Frédéric Bertocchini

Sò un pocu più pricisi oramai i circustanzi di l’assassiniu, issu marti in Bonifaziu, di Paul Rocca, u rispunsevuli lla Sucità lli Pruminati à Mari di Bonifaziu.

Versu ott’ori è mezu, Paul Rocca ghjunghjia in scooter à u so travaddu quand’idd’hè statu toccu da tarzaroli di calibru 12. Fertu, hà circatu à fughja in u so battellu. Ghjunti supr’à locu, i spinghjifoca ani pruvatu, in darru, à ridà li fiatu. Un’ora dopu à i cartucciati, Paul Rocca si n’hè mortu.

À senta à u prucuratori lla ripublica, Eric Bouillard, ùn saria stata chè una parsona à tirà. Ma forsa sarà stata aiutata da un compliciu, ch’una vittura hè stata trova picciata subbitu dopu. A inchiesta principia, è u prucuratori lla ripublica ni chjama à i tistimonii, da sapè ni di più à nantu à i circustanzi d’iss’assassiniu.