Les 32èmes Ghjurnate Internaziunali di Corti sont ouvertes
(A redazzioni d'Alta Frequenza) - Apartura stamani (sabbatu) di i 32i Ghjurnate Internaziunali di Corti. I sfarenti dilegazioni sò stati prisintati duranti una cunfarenza di stampa. Sò prisenti frà altru quilli ghjunti da Sardegna, Paesi Bascu, Catalogna o ancu Sicilia. Altru invitatu maiò, u portavoci di u Muvimentu naziunali di liberazioni di l'Azawad, Moussa Ag Assarid, chì rivindicheghja una suluzioni pulitica nova pà ssu rughjoni di u Malì, paesi toccu da a guerra. U dibattitu maiò di ssa manifestazioni à u nivellu isulanu sarà urganizatu dumani dopu meziornu, nant'à a riforma istituziunali à l'assembla di Corsica. Corsica Libera, chì urganizeghja a manifestazioni, hà dicisu quist'annu d'invità i cunsighjeri esecutivi incaricati di i cartulari impurtantissimi di l'assemblea, frà i quali Maria Giudicelli, nant'à u latu di u Padduc è di u statutu di residenti, è Pierre Chaubon, pà ciò chì tocca a famosa dumanda di riforma istituziunali. U scopu : fà chì l'ambienti appaciatu duranti ssi dibattiti à l'assemblea di Corsica sia sempri prisenti, è parlà cù una voci sola di pettu à l'istanzi pulitichi francesi i più alti.
Ecoutez François Sargentini, pour Corsica Libera.
