Léo Micheli, l’une des dernières figures de la résistance corse s’est éteint
Leò Micheli, unu di l’ultimi gran’parsunaghji lla risistenza corsa, si n’hè andatu in a notti da luni à marti, à 98 anni.
Issu marti, u PCF lla Corsica l’hà resu un umaghju trimendi.
« Toccu u 1938, hè capifila lla Ghjuvantù Cumunista chì, cù i so 900 adirenti, hà da dinuncià in u 1940 u rigimu di Vichy è a so suttimissioni vargugnosa.
À parta si da maghju llu 1941, hè u capifila llu Fronti Patriotticu lli Ghjovani, una di i cumpunenti llu Fronti Naziunali.
Ùn avia mancu 20 anni à a cunfarenza di Porri, u 3 è u 4 di maghju llu 1943, quand’iddu hè duventu, cù Raoul Benigni è Pierre Pagès, unu di i trè dirighjenti llu Partitu Cumunistu clandistinu. In issu mentri, Arthur Giovoni è François Vittori t’aviani in carica a dirizzioni pulitica è militara llu Fronti Naziunali.
Uni pochi di ghjorna dopu à a distituzioni di Mussulini, u 3 d’austu, i cinqui si ritrovani in San’ Gavinu par appruntà a insurizzioni libaratrici, à tempu ghjunta a capitulazioni di l’Italia : fatta fini, si farà u 9 di sittembri llu 1943 », spieca u cumunicatu fattu da u partitu in umaghju à issu grand’omu.
U 4 d’uttrovi llu 2013, in Bastia, pà u 70esimu annivirsariu lla libarazioni lla Corsica, françois hollande li rimetti a Ligion’d’Unori.
Steti à senta un pezzu llu so discorsu di tandu, à nantu à a Piazza San’Niculaiu.
Sur le même sujet
