Législatives : au sein d'une gauche divisée, le Parti Communiste présent dans les quatre circonscriptions de Corse
A sapiani ancu i ghjaddini, è oramai hè ufficiali : a saluta alitturali di a manca in Corsica ùn hè cusì quenta, è d’altrondi ùn ci andarà unita, à i lighjislativi !
A Corsica ùn ci entri in l’accordi di a Nova Unioni Pupulara Eculogica è Sucialista : à liveddu lucali, u Partitu Cumunistu, « La france insoumise », è « Insemi à Manca » ùn a l’ani fatta à truvà si.
Fatta fini, « Insemi à Manca » prisenta un candidatu solu, Dylan Champeau, in a siconda circuscrizzioni llu Pumonti.
« La france Insoumise » ni duvaria prisintà dui : Robin de Mari in a prima circuscrizzioni llu Pumonti, è Karl Tomasi in a prima llu Cismonti.
U Partitu Cumunistu sarà prisenti in ugni circuscrizzioni : Anissa Flore-Amziane è Pierre-Ange Muselli-Colonna duvariani essa cunfirmati pà i dui circuscrizzioni Pumuntinchi. A cumissioni naziunali d’invistitura llu partitu hà sceltu à Michel Stefani pà a prima circuscrizzioni llu Cismonti, è à Amélie Raffalli-Franceschi pà a siconda.
À liveddu naziunali, u prugrama difesu hè u stessu chè quiddu purtatu da a NUPES.
Ma à liveddu lucali, u scartu cù « La france insoumise » pari essa liatu à a manera di pinsà a quistioni stituziunali in Corsica.
Steti à senta à Michel Stefani.
