Le tunnel de Bastia fermé pour trois semaines dès ce vendredi soir
« Hè pur’ghjuntu quell’ghjornu, il dì funestu », dici a canzona !
U tunellu di Bastia, ind’iddi passani ugni ghjornu 33 000 veiculi, trà i quali 650 camiò, chjudi issu vennari à 10 ori, par 3 sittimani.
Una chjuditura ublicata par livà u tigliu è attaccà i travadda di rinuvera pà l’anni à vena.
Sinu à l’undici di marzu, par ch’idd’ùn sichi troppu issa « barbara furtuna » a circulazioni bastiaccia, ci sarani i passa è veni gratisi in quantità, di trenna è carri.
Sarani missi in affittu bissicletti elettrichi, è a Cullittività hà da prupona una piattaforma di spartera di vittura, è una infurmazioni diretta pà u trafficu.
Par quiddi ch’ùn a si poni sfrancà di a vittura, un pianu di circulazioni hè statu privistu, com’è pà i succorsa.
Par casu ch’idda si faccia difficiuli à l’entra lla sittimana, a circulazioni, a prifittura mittarà in anda a circulazioni altirnata : i ghjorni pari, viaghjariani i vitturi cù l’immatriculazioni pari, è i ghjorna dispari i vitturi cù l’immatriculazioni dispari. Par casu ch’iddu si faccia issu pianu, ùn sariani cuncessi chè dirugazioni accizziunali.
Sur le même sujet
