Le STC hôpital d'Ajaccio contre la décorsisation des emplois et de l'économie
(A redazzioni d'Alta Frequenza) - L'Agenza Righjunali di a Saluta hà tinutu calchì ghjornu fà una riunioni in Corti, cuncirnendu a mutualisazioni di i compri di tutti l'uspidali di Corsica. Erani prisenti u novu direttori di l'ARS, tutti i capi di stabilimenti è dui raprisintanti di l'UGAP. Iss'ultima, una cintrali di compra publica distinata à i cullettività, parmetti à l'uspidali di cumandà matiriali senza passà da una chjama à l'ufferta. Ben chì i stabilimenti isulani travaghjessini dighjà cù issu gruppu quì, si trattaria quì di fà ni l'usu ogni volta, è dunqua d'ùn più fà affari cù intrapresi lucali. Una situazioni chì inchieta assai u STC uspidali d'Aiacciu, chì ci vedi, aldilà di una cuncurrenza micca sana, una scursisazioni di l'impiechi è di l'ecunumia, frà altru di pettu à a custruzzioni di l'uspidali futuru.
Écoutez Cathy Giacomoni, pour le STC Miséricorde.
