Le Direct

Le scepticisme demeure autour du nouveau hôpital d'Ajaccio

(A redazzioni d’Alta Frequenza) - Un uspidali novu in Aiacciu ! Di a manera ch’elli viaghjani l’affari, ùn pari micca chì issu stabilimentu pudessi escia da a tarra nanzi à un bellu dicenniu, è ancu, s’ellu hè u casu si pudarà alzà i bracci fin’è u celu. I cunfarenzi di stampa si sò incatinati a settimana scorsa cù a scuntentezza di i sindicati STC, CGT, SNCH è FO Bastia, di i parsunali di saluta. Tutti sò in zerga di pettu à u blucchimi attuali di i neguziazioni cù i servizii di u Statu ind’u settori di a Saluta in Corsica. Ùn si parla ancu di ripresa di u cunflittu dittu di l’ARS ma pari bè ch’ellu si pighjessi torna una volta a stessa strada. A CFDT, anch’ella, hà vulsutu sprima si nant’à un sughjettu più cà pulemicu è hà rammintatu u so parè à prupositu di u famosu cuefficienti geugrafficu. Ùn farà micca parti di un novu cunflittu s’è iss’ultimu si faci nant’à i stessi basi chì ani purtatu à u primu fiascu. Eppuru, hè dinò più cà ind’u dubbitu pà ciò chì tocca à l’annunzii fatti nant’à u novu uspidali d’Aiacciu.

Ecoutons Marcel Tavera.