Le SC Bastia demande à la LFP le versement immédiat de 1,65 M€ de droits TV
(A redazzioni d'Alta Frequenza) - Dipoi un annu è mezu, l'affari di a partita trà Nantes è Bastia, induva i nantesi aviani fattu ghjucà un ghjucadori suspesu, ùn hè ancu à compia. Dopu chì a ghjustizia spurtiva avissi datu raghjoni à u Sporting, c'hè stata una mansa di pruceduri ghjudiziari iniziati da u FC Nantes, tutti righjittati, l'ultima hè quilla di u 31 di dicembri davanti a corti amministrativa d'appellu di Nantes, a sintenza duvendu essa esecutata subbitu. È u Sporting hà riagitu quì dinò subbitu à ssa dicisioni mandendu u 5 di ghjinnaghju una lettara à u presidenti di a Liga di Ballò Prufiziunali, Frédéric Thiriez, dumandenduli di virsà subbitu subbitu 1,65 milllioni d'auri di diritti TV. In fatti, in fin di staghjoni scorsa, duranti u virsamentu abituali di ssi diritti, a dutazioni di u Sporting era stata fatta senza ssa parti di i soldi, com'è quilla di i clubs di Toulouse è Lorient di un'impurtanza minima, parchì a LFP avia ritinutu appena di più cà trè millioni d'auri pà pudè virsalla à u FC Nantes in casu di fini pusitiva di una di i pruceduri di u club nantesi chì avaria vistu Nantes ricullà à u 10imu postu, è Bastia falà à u 13imu postu, i dui altri clubs pirdendu dinò un postu.
Sur le même sujet
