Le Direct

Le retour du chemin de fer en plaine orientale sur les bons rails ?

(A redazzioni d'Alta Frequenza) - U ritornu di u trenu in piaghja urientali, un mitu o una rialtà ? Com'è i dui fili di caminu di farru chì passavani tandu pà a Piaghja fin'è Purtivechju, u cartulari volta annant'à a scena mediatica cù u lanciamentu di un studiu assai seriu. Ùn si tratta micca di pinsà à un avvena luntanu pà veda a ghjunta di u trenu in Bunifaziu, l'impresi fundarii sò sempri dispunibuli d'altrondi, ma bè di un studiu pà u pezzu Monte-U Poghju Mezana o ancu Cervioni. I pussibilità finanziari ùn si duvariani micca migliurà da quì à calchì annu, è forsa ch'ellu hè difficiuli à creda à cortu andà di veda sbuccià una caminu di farru da Bastia à Bunifaziu. Vistu i nivelli d'investimenti chì ùn poni micca essa apparagunati trà u trenu è a strada, quissa quì costa à pocu pressu deci volti più caru, u caminu di farru ritrova tutta a so pertinenza pà lochi chì cunnoscini difficultà di più in più impurtanti à u nivellu di l'urbanisazioni è dunqua di a circulazioni.

Steti à senta à Michel Stefani, u presidenti di i Camini di Farru di a Corsica.