Le Direct

Le réseau de bus ViaBastia rendu gratuit pour près de 10 000 personnes et étendu jusqu'à Sisco

In iss’attaccu di luddu, sei mesa dopu à a so nascita, a reti di bus urbani Via Bastia inaugurighja una biglittaria infurmatizata è cunnosci i so primi mudificazioni.

E issi mudificazioni, ùn sò di quiddi minimi : di fatti, 10 000 parsoni pudariani prufittà di rigalu di tutta a reti.

Dopu analizata a situazioni, a Cumunità d’Agglumirazioni di Bastia hà ricunnisciutu ch’idd’ùn avia fattu valè i criteri in più ghjusti à issu liveddu. Certi parsoni, in situazioni di puvartà, erani privi d’un usu gratisi di i ligni.

Sinu ad avali, ci vulia un quuzienti di famidda paru o da suttu à 450 par binifizià ni, oramai ci poni pratenda i parsoni chì u so quuzienti ghjunghji à 1 000.

Steti à senta à Louis Pozzo di Borgo, u prisidenti lla CAB.

Altra nuvità, a ligna fila sinu à u Capicorsu. Sinu ad avali, si finia in Erbalonga, oramai ghjunghji in Siscu.

A cumuna, chì hà da caccià 25 000€ d’avanzu, faci parti oramai di a reti ViaBastia, puri issendu in fora di a CAB. Dipoi ghjinnaghju, n’hè cusì pà Erbalonga è Biguglia.

Steti à senta à Ange-Pierre Vivoni, u merri di Siscu.