Le PTIC au pied du sapin de Bastia et de son agglomération
François Ravier, u prifettu llu Cismonti, hà signatu u PTIC cù Louis Pozzo di Borgo, u prisidenti lla CAB.
Si parla chivi di dui prughjetta : u primu hè u spaziu ecunomicu llu portu di Toga, finanzatu à 60 % da u PTIC, è chì custarà 4,7 miliona d’auri.
Quidd’altru hè u centru tecnicu è amministrativu lla CAB, in cori à a ZAE d’Erbaghjolu. S’accuddarani chivi i sirvizia tecnichi lla CAB è di a mirria di Bastia, è supr’à tuttu u sirviziu d’accolta lli rumenzuli.
Cù issu prughjettu di più di 6 miliona, finanzatu a più di 50 % da u PTIC, sarani libarati parichji lucala, appighjunati par avali.
Steti à senta à Louis Pozzo di Borgo, u prisidenti lla CAB.
U prifettu llu Cismonti si filicitighja di pudè cuntribuì, in issa purzioni, à issi prughjetta, ch’idda sichi par Bastia o pà a CAB.
À creda lu, u meddu in i rilazioni trà u guvernu francesu è u prisidenti di l’esecutivu corsu, ùn ci entri par nudda in iss’annunci di fin’d’annu.
Steti à senta à François Ravier.
