Le programme complet de la visite de Manuel Valls en Corse lundi prochain
(A redazzioni d'Alta Frequenza) - Si ni sà oramai di più nant’à a visita di u Prima ministru Manuel Valls luni chì veni in Corsica. Sarà accumpagnatu da Jean Michel Baylet, ministru di l’Accunciamentu di u tarritoriu, Najat Vallaud Belkacem, ministra di l’Educazioni naziunali, d’Emmanuelle Cosse, ministra di l’alloghju è Christian Eckert, secretariu di Statu in carica di u bughjettu. Una visita chì principiarà in Aiacciu à 8 ori è mezu cù una riunioni cunclusiva di i gruppi di travaghju in prifittura di Corsica, nanzi à un’accolta di u Prima ministru à 11 ori in a Cullittività tarrituriali di Corsica. Ci sarà dopu un ripastu cù l’attori ecunomichi in prifittura, nanzi à un’accolta republicana di u Prima ministru in casa cumuna. Altra tappa, Bastia versu 3 ori è quartu, cù quì dinò un’accolta in merria, prima d’andà in Capicorsu pà l’inaugurazioni in Erbalonga di i lucali di l’intercumunalità. Sempri pà ssi lochi, Manuel Valls è Jean Michel Baylet passarani pà Macinaghju pà a prisintazioni di u prughjettu di parcu marinu, prima di vultà in Parighji in principiu di sirata. Annunzi cuncirnendu a Cullittività unica, a lingua corsa o ancu l’arrestati Miot sò aspittati ramintemula.
