Le procès des soutiens d'Yvan Colonna reporté au mois d'avril 2013
(A redazzioni d'Alta Frequenza) - U prucessu di i sustegni d'Yvan Colonna duranti a so fughjita, chì si duvia tena à partasi d'oghji (ghjovi) davanti à a corti d'appellu di Parighji hè statu rimandatu à l'11 è 12 d'aprili di u 2013. Una dicisioni à a dumanda di l'avucati di a difesa, dopu à l'assassiniu di Me Antoine Sollacaro marti da mani in Aiacciu, cunsighju di unu di l'accusati. Marc Simeoni, Patrizia Gattaceca è André Colonna d'Istria si duvarani spiecà nant'à comu chì si hè passata a fughjita di quattru anni d'Yvan Colonna di veranu prossimu dunqua.
