Le procès de Bruno Garcia-Cruciani, meurtrier présumé de Julie Douib, s'ouvre ce jeudi devant les assises de Haute-Corse
Ghjovi, in corti d’assisi llu Cismonti, cumencia u prucessu di Bruno Garcia-Cruciani. L’omu di 44 anni hè incausatu pà u feminicidiu di Julie Douib, u 3 di marzu llu 2019, in Lisula.
L’affari avia cumossu, ancu da culandi à a Corsica : Julie Douib hè stata trova da una di i so vicini, ferta à baddi, po’ si n’hè morta.
Uni pochi d’ori dopu, u so anzianu cumpagnu, babbu lli so dui fiddoli, s’era prisintatu in ciandarmaria di Lisula, dindu ch’iddu era iddu ad avè tiratu. Tandu, avia rimissu à i ciandarmi un’arma di calibru 9mm cù i so cartucci.
Dipoi u 2014, i rilazioni trà Bruno Garcia-Cruciani è Julie Douib erani cunflittuali, è si n’era ancu ghjunti à a sposta di lagnanzi, in fini llu 2018.
L’assisi llu Cismonti, suttu à a prisidenza di Veronique Legendre, circarani à ricustituì a crunulugia è u cuntestu di l’affari, ma ancu à sapè s’idda c’era calchì intinziunalità, o primiditazioni.
U prucessu pudaria durà sinu à u 16 di ghjunghju.
