Le PRG 2B devant la justice
(A redazzioni d'Alta Frequenza) - U presidenti di u Partitu Radicali di Manca di Corsica Suprana, Alex Alessandrini, è l'anziana rispunsevuli parlementaria d'Emile Zuccarelli, Marie France Lachaud, passavani ssu marti davanti u tribunali curezziunali di Bastia. Sò accusati d'avè piattatu un arrubecciu di soldi publichi. In u 2007, Marie France Lachaud, dopu avè persu u so impiecu par via di a disfatta d'Emile Zuccarelli à i legislativi, saria stata "impiegata" com'è secretaria di u gruppu PRG à u Cunsighju Ghjinirali di Corsica Suprana. Pari chì ssa cuntrattuali fussi pagata da ssa cullettività, mentri ch'ella travaghja in fatti pà u Partitu Radicali di Manca. 15 000 auri d'amenda sò stati dumandati contr'à ella, 8 000 auri d'amenda contr'à Alex Alessandrini in fin di ghjurnata, ma dinò cundanni à a prighjoni di modu attimpatu. U ghjudiziu sarà cunnisciutu u 17 di ghjunghju.
Sur le même sujet
