Le président-candidat Emmanuel Macron s'exprime sur la Corse : l'autonomie éventuellement, la coofficialité de la langue corse retoquée
Ghjovi, intarrugatu da una ghjurnalista mentri a prisintazioni llu so prugrama pà l’alizzioni prisidinziali, emmanuel macron hà parlatu di a Corsica.
Hà dittu ch’iddu era « favurevuli à a scrizzioni lla Corsica in a custituzioni dipoi u 2018 », è ch’iddu « ùn avia aspittatu i viulenzi par parlà ni ». S’idda ùn si hè fatta issa riforma custitiziunali, colpa n’hè à u Senatu.
À senta lu, sò 5 anni ch’iddu « travadda u guvernu à mantena l’auturità ripublicana in Corsica, è ch’iddu circa à middurà a vita lli corsi, travaddendu ancu à nantu à i cumpitenzi lla CdC, è quissa u prisidenti Gilles Simeoni a sà ».
A scrizzioni lla Corsica in a custituzioni, o u dibattitu pà l’autunumia ùn sò quistioni tabù, à senta ni u prisidenti-candidatu, ma l’affari si farà in lu quadru lla ripublica francesa. È in quissa chivi, hè u francesu a lingua : tandu, pà a quistioni lla cuufficialità, u corsu si pidda un beddu colpu à nantu à u tupizzu.
Steti à senta à emmanuel macron chì, com’è u so ministru di l’internu, faci veda a so pampana ma ùn sparti tanta uva.
Sur le même sujet
