Le Direct

Le préfet de Haute-Corse veut accentuer les contrôles pour l'été

(A redazzioni d'Alta Frequenza) - U prifettu Corsica Suprana, Louis Le Franc, hà prisintatu vennari scorsu cù i servizii di u Statu a campagna d'istati di u 2012. A priurità sarà fatta à a securità stradali, un scopu di pettu frà altru à l'ottu morti in un mesi nant'à i stradi di u dipartimentu. Un sciffru chì u prifettu ùn voli più ricunnoscia ; un affari chì si traduciarà da cuntrolli impurtanti nant'à i lochi à risicu, frà altru in Balagna, cù un'attinzioni particulari nant'à l'abusu d'alcool è a cunsumazioni di droghi. Com'è ogni istati, i risichi naturali in muntagna è in mari sarani usservati da vicinu, postu chì quissi quì sò numarosi ind'a nostra isula. A salubrità publica sarà dinò assai inquadrata cù parechji cuntrolli d'igieni ind'è i cumircianti, è verifichi nant'à l'acqua, quilla dinò di i piscini di i centri d'asgi, par asempiu. Altru duminiu usservatu da vicinu, quillu di a cuncurrenza, cù cuntrolli d'autenticità di i prudutii corsi, ch'elli sighini alimentarii o micca, di securità è d'igieni ind'è i cumircianti o i centri d'asgi.

On écoute le préfet de Haute-Corse.