Le préfet de Haute-Corse revient sur la campagne 2017 de la sécurité civile et sur les incendies
(A redazzioni d'Alta Frequenza) - 6 209,4 ettari brusgiati in u 2017 inveci di 951 in u 2016, u sciffru hè forti è tocca u bilanciu 2017 di i fochi in Corsica Suprana. I dui fochi eccezziunali di Biguglia è di Capicorsu ani avutu un pesu tremendu nant'à i sciffri amintati ssu luni in prifittura di Corsica Suprana duranti u cunsighju dipartimintali di securità civili. Una riunioni induv'ellu s'hè trattatu dinò di u cartulari di a gistioni dopu à l'inundazioni di a fin'di u 2016, eppo di i piani cumunali di salvezza. Ma, di sicuru, sò i fochi chì sò stati u più amintati. È oghji com'è à u mumentu u più forti di a crisa, u prifettu di Corsica Suprana, Gérard Gavory, dici chì i mezi aerei sò bè stati à l'altezza di l'inghjochi.
Steti à senta à Gérard Gavory, u prifettu di Corsica Suprana.
