Le préfet de Corse et la rectrice attaquent la fermeture des collèges et lycées par la CDC devant le tribunal administratif de Bastia
A quistioni di l’apartura lli culleghji è licei di Corsica fila sinu à u tribunali. Difatti, u prifettu è a rittrici lla Corsica dicini, in un cumunicatu, ch’idd’attaccani a dicisioni, presa da a CDC, di chjuda issi stabilimenti sinu à a prossima riintruta. À senta li, ci vurria chì i culleghji è licei, mantinuti chjusi da a dicisioni di a Cullittività di Corsica, poschini oramai riceva l'elevi. À senta i dui riprisintenti llu statu, i capi di stabilimentu ni fariani a dumanda è i parenti, tinindu contu di a libara scelta, ni sprimariani u bisognu. Par parichji l’elevi, issa riintruta hè una vera nicissità.
« Di pettu à issa situazioni chì rumpi u principiu d'ugualità, presa in a gnuranza di i cumpitenzi rispittivi, a scelta hè stata fatta di purtà à u tribunali amministrativu a dicisioni di a Cullittività di Corsica. Un asaminu, casu à casu, di a riapartura di i stabilimenti si pò fà da avali, arrimbendu si à u ritturatu è à i sirvizii di u statu ».
Sur le même sujet
