Le maire de Bastia et ses conseillers municipaux ont rendu hommage à Pasquale Paoli, pour son 289ème anniversaire
(A redazzioni d'Alta Frequenza) - Ssa dumenica, u novu merri di Bastia, Gilles Simeoni, accumpagnatu da tutti i so cunsighjeri municipali, quilli di Jean Zuccarelli ùn si sò micca spiazzati, è cù parechji centunai di parsoni, hà resu un umaghju sulennu di a cità di Bastia à Pasquale Paoli, u Babbu di a Nazioni Corsa, pà u so 289u anniversariu. Davanti a stela ind’u so unori, Gilles Simeoni hà fattu un discorsu cortu, in lingua corsa di modu sanu, ma pinsendu dinò à Petru Sinoncelli, militanti naziunalistu sparitu oramai, è chì hà avutu un rollu di primura ind’a criazioni di ssa placca di cumemurazioni inaugurata in u 2008 da a municipalità di l’epica. Pà compia ss’umaghju, a maiò parti di i cunsighjeri municipali, com’è François Tatti è Jean-Louis Milani, ani cantatu u Diu Vi Salvi Regina.
Steti à senta un strattu di u discorsu di Gilles Simeoni.
Sur le même sujet
