Le futur parc naturel marin du Cap Corse au centre d'un comité de concertation
(A redazzioni d'Alta Frequenza) - Ssu luni, parechji eletti, associ è socioprufiziunali erani prisenti pà u primu cumitatu di cuncertazioni inghjiru à u futuru parcu naturali marinu di Capicorsu, studiatu dipoi un tempu longu è missu in anda di manera ufficiali ss'istati da a ministra di l'Eculugia, Ségolène Royal. U scopu di ssu cumitatu, induva c'erani dinò l'autorità prifitturali è marittimi, era di prisintà l'inghjochi è a cumpusizioni di ssu prughjettu, eppo di scambià è di risponda à i dumandi chì poni spuntà nanzi à u principiu di un prughjettu simuli. È mentri chì in altrò, prughjetti cusì ani fattu nascia tinsioni forti trà socioprufiziunali, associ è eletti, ssu cumitatu s'hè caratterizatu da un certu accunsentu inghjiru à a necessità di pruteghja ss'aghja marina, ancu s'ellu hè troppu prestu pà misurà chì sarani i cuncessioni ch'elli duvarani fà i sfarenti parti. Paul Giacobbi, u presidenti di l'esecutivu, era cuntentu dopu à ssu cumitatu.
Steti à senta à Paul Giacobbi.
