Le financement de la rénovation urbaine du quartier de la Cité des Monts à Bastia officialisé
In fin’di sittimana scursa, a mirria di Bastia, a prifittura llu Cismonti è l’Uffiziu di l’abitatu lla Corsica ani ufficializatu u finanzamentu llu novu prugrama di rinuvera urbana di Bastia. Ci n’hè par 44 miliona d’auri è parichji cintunai d’alloghja, ch’iddi sichini custruzzioni novi o rinovi. U puntu maestru d’issu prughjettu sarà a ristrutturazioni di a « Cité des Monts », in u quartieri dittu « Cité Aurore ».
104 alloghja sarani lampati da pudè avvià issa ristrutturazioni, chì u so scopu hè d’apra u locu è fà strada à un mischiu suciali, cù a ricustruzzioni di circa 60 alloghja suciali è in accissioni à a prupriità.
Pà a mirria di Bastia, si tratta chivi d’un prughjettu di prima trinca, masimu chì, fatti i travadda, di i vii è spazia publichi n’avarà a carica idda, è più l’appighjunadori suciali.
Issu prughjettu chivi, ùn sarani bastati i cuntistazioni di certi abitanti à parà lu.
Steti à senta à Pierre Savelli, u merri di Bastia.
Pà u statu, chì assicurighja 12 miliona di finanzamentu via l’ANRU, l’uparazioni com’è quissi, chì rinforzani u mischiu suciali, sò di primura pà l’avvena.
Steti à senta à françois ravier, u prifettu llu Cismonti.
Sur le même sujet
