Le film Aiò Zitelli remporte le prix du meilleur producteur au prestigieux festival Hollyshort d'Hollywood, à Los Angeles
U filmettu « Aiò Zitelli » di Jean-Marie Antonini, u rializatori è pruduttori balaninu, si hà vintu in Hollywood un premiu pà l’edizioni 2020 llu fistivali Hollyshort, unu di i più famosi llu mondu.
A squadra llu filmu hà fattu sapè luni matina ch’idd’avia vintu u premiu di u miglior’pruduttori, pà a pruduttrici Julia Retali.
Eccu una bedda cunsacrazioni è un premiu internaziunali di più, pà issu filmettu di 21 minuti, fattu in parti in corsu. Issu premiu tocca à tutta à squadra, da a storia à figuretti sinu à u filmu iddu stessu.
Par disgrazia, ùn si hè aparta cù issu premiu a porta di l’Oscars 2021, è unu solu di i 120 filmi in cumpitizioni ci pudarà andà.
« Ma semu filicissimi d’avè avutu un premiu in Hollywood », hà scrittu a squadra llu filmu à nantu à a so pagina Facebook.