Le dossier du gaz de ville abordé en conseil municipal, des assurances données par l'État
Ghjovi in Bastia, in cunsigliu municipali, si hà da parlà di u gasu. Engie, chì n’assicurighja a distribuzioni chì sò guasgi vinti anni, pudaria lacà curra l’affari à parta si di u 31 di marzu.
A cità di Bastia hà fattu soiu u principiu d’una nova cuncissioni di quindici anni, cù un quadru ghjuridicu pricisu, è un pianu par avvià si versu a isciuta da u GPL, par Bastia è i cità di l’agglumirazioni.
Engie, chì accerta ch’idd’ùn lacarà u sirviziu innanzi ch’iddu sichi arrigulatu issu cartulari, ùn c’intraria, in issa cuncissioni, chè par casu ch’iddi sichini rimpattati i so perditi : 4 miliona à l’annu in Bastia, è 10 par tutta a Corsica.
Issi pochi sittimani, u statu ùn daghjia a imprissioni di vulè rispittà a parolla di françois de rugy, l’anzianu ministru di l’eculugia. È fà è fà, pascal lelarge, u prifettu lla Corsica, pari ch’idd’achi vultatu casacca : dici in un currieri mandatu marcuri à u merri di Bastia chì u statu conta rispittà a parolla data.
Steti à senta à Pierre Savelli, u merri di Bastia.
Inchieti innanzi à issu cunsigliu municipali, i parsunala d’Engie, chì s’erani dispiazzati, pariani menu tribulati dopu, masimu cù l’annunciu fattu llu currieri llu prifettu. Par casu ch’iddi sichini rimpattati i so perditi strutturali, Engie ùn avaria più raghjoni d’andà si ni.
Ma i impiicati sò attenti quantunca, intantu ch’idda si faccia in Aiacciu, l’undici di frivaghju, a riunioni llu cumitatu suciali è ecunomicu.
Steti à senta à Xavier Nesa, pà a CGT di Engie.
Sur le même sujet
