Le député Jean-Félix Acquaviva dénonce "une faute politique grave" du Premier ministre
(A ridazzioni d'Alta Frequenza) - U diputatu naziunalistu Jean-Félix Acquaviva ùn hè micca cuntenti, è a faci sapè, d’avè imparatu chì u primu ministru avia privistu d’ùn andà micca à l’assemblea di Corsica pà u so dispiazzamentu in l’isula. Issu dispiazzamentu, si sà, hè statu, fatta fini, annulatu. In un cumunicatu, u diputatu naziunalistu dici chì « u Populu Corsu è i so eletti aspettani risposti da u guvernu (…), mentri chì u primu ministru inveci, pà a so visita di dui ghjorna, sceddi d’ùn andà à a Cullittività di Corsica, rilativizendu cusì, è ancu disprizzendu u Cunsigliu Esecutivu è l’Assemblea di Corsica ». « Iss’attitudina hè un sbagliu puliticu maiori, di quiddi ch’ùn si poni più accittà », scrivi Jean-Félix Acquaviva
