Le Conseil scientifique n'est pas opposé à l'organisation du second tour des municipales en juin mais demeure très prudent
Si pudarà fà u sicondu ghjiru di l’alizzioni municipali, à u mesi di ghjugnu ? A risposta dipendi, ben’intesa, di l'evuluzioni di a situazioni sanitaria, liata à u curonavìrus.
In Corsica, in parichji paesa ma ancu in Aiacciu, hè bastatu un ghjiru à scedda una maiurità.
In Bastia, inveci, o ancu in Portivechju, a partita duvaria essa luttata bè !
À liveddu francesu, sò circa 5 000 i cumuni à duvè si impignà pà un sicondu ghjiru, è l’urganisazioni di l’alizzioni municipali hè un veru grattacapu pà u guvernu.
Sta mani, u Cunsigliu Scintificu hà dittu ch’idd’ùn era uppostu à un sicondu ghjiru di ghjugnu. Ma pensa quantunca ch’iddu ci vurrà à fà una valutazioni sanitaria di a situazioni, 15 ghjorna innanzi à l’alizzioni.
« Sicondu i risultata, issa valutazioni pudaria ancu purtà à fà firmà u prucessu alitturali » averti u Cunsigliu Scintificu in lu so raportu.
U Cunsigliu Scintificu, infini, averti dinò pà i risichi sanitarii impurtanti liati à a campagna alitturali.
