Le Conseil d'Etat rejette le recours d'Yvan Colonna pour la levée de son statut de Détenu Particulièrement Signalé
(A redazzioni d'Alta Frequenza) - U Cunsighju di Statu hà righjittatu ssu luni u ricorsu d'Yvan Colonna, chì dumanda chì u so statutu di DPS, prighjuneru particularmenti signalatu, sighi cacciatu. U Cunsighju di Statu ghjudicheghja chì "a corti amministrativa d'appellu di Marseghja ùn hà micca fattu sbagli di dirittu stimendu chì a dicisioni di u ministru di a Ghjustizia attaccata era mutivata d'una manera legali da l'appartinenza" d'Yvan Colonna "à u mondu tarruristu corsu accertata da a so cundanna da a corti d'assisi spiciali di Parighji à a reclusioni criminali à perpetuità, da u fattu ch'ellu ùn era micca stabilitu à a data di a dicisioni attaccata ch'ellu avaria pinsatu à rompa qualsiasi liamu cù ssu mondu è da un disturbu gravi à l'ordini publicu chì a so scappata raprisintaria." Una dicisioni chì pò essa criticata, d'appressu à l'avucatu d'Yvan Colonna, Patrice Spinosi, chì annunzia ch'ellu farà da quì à pocu un ricorsu davanti a Corti Aurupea di i Diritti di l'Omu. Cuncirnendu l'avvicinamentu in Borgu d'Yvan Colonna, hè a ministra di a Ghjustizia chì t'hà a pussibilità di pighjà in furia ssa dicisioni, s'ella c'era una "bona vulintà pulitica" à u nivellu di u Statu, aghjusta Patrice Spinosi.
Steti à senta à Patrice Spinosi.
Sur le même sujet
