Le collège et lycée privé Saint-Paul d’Aiacciu présente son projet autour d'une pédagogie innovante et en lien avec son territoire
Photo : Saint Paul
U culleghju è liceu privatu San’Paulu d'Aiacciu hà prisintatu in fin’di sittimana u so prughjettu, arrimbatu à una pidagugia nuvativa è in leia incù u so tarritoriu.
A dirizzioni llu stabilimentu voli ridà u tempu à ugni elevu, à parta si da u culleghju. Cusì, si spera chì i scelti è l'uriintazioni, più chè custretti, pudariani essa apartura à nantu à a vita.
U stabilimentu pruponi diversi filieri, à parta si da a sesta. Da accumpagnà iss’ufferta, uni pochi di cullaburazioni sò stati missi in anda, cù parichji urganismi è associ.
A dimarchja, a ci prisenta François Grimaldi d'Esdra, u dirittori aghjuntu llu stabilimentu.
Trà i soci, ci hè u Palazzu Fesch- Museu d’Arti d'Aiacciu, chì vurria apra a ghjuvantù à a cultura, cù attelli è cunfarenzi adatti à ugni ità.
In lu quadru d’issa cullaburazioni trà a scola è u museu, hè ancu privista una mostra da prisintà u Palazzu Baciocchi, u bastimentu chjamatu oghji culleghju è liceu San’Paulu.
I spiicazioni di Catherine Cristofari, par u Museu Fesch.
U Lavuratoriu Righjunali d'Archiulugia hè ancu iddu un sociu impurtanti di u Liceu. Un travaddu di riapprupriazioni culturali hè privistu, incù intarventi in mezu scularu, è visiti à nantu à i siti.
Steti à senta i spiicazioni di Helene Paolini-Saez, a dirittrici di u LRA.