Le Direct

Le collectif Massimu Susini interpelle la majorité territoriale et la préfète de Corse

Inazzioni. Eccu in pochi parolli u rimprovaru ch’iddu faci u Cullittivu Massimu Susini à a maiurità tarrituriali è à a prifetta lla Corsica.
In dui lettari ch’idd’hà mandatu à i dui parti, u Cullittivu si stona di parichji affari.

Par ciò chì tocca à a maiurità tarrituriali, hè l’annunciu d’una sissioni strasurdinaria di marzu, dopu à i municipali sicuramenti, chì porta u Cullittivu à quistiunà si. À senta ad iddu, a CDC t’hà i mezi cuncreti d’agiscia contru à a malavia maffiosa, è ùn hè più tempu, oramai, di cuntintà si di beddi parolli.

Par ciò chì tocca à a prifittura, à u statu dunqua, u Cullittivu parla d’un beddu lascia corra, o ancu di a nigazioni d’una rialità. Eppuri, dici u Cullittivu chì u statu t’hà i mezi di luttà contru à issa malavia, masimu à liveddu lla spiculazioni immubiliari.

Stemu à senta à Jérôme Mondoloni, chì faci parti lla dirizzioni cullighjiali llu Cullittivu.