Le Collectif d’information et d’action sur les golfs tiendra sa première réunion publique ce dimanche à Calenzana
(A redazzioni d'Alta Frequenza) - U Cullettivu d'infurmazioni è d'azzioni nant'à i golfs, creatu pocu fà, tinarà a so prima riunioni d'infurmazioni publica issa dumenica à 6 ori di sera in Calinzana, inde a sala ditta di u "Préau". Un cullettivu natu frà altru dopu ch'ellu sighi spuntatu calchì ghjornu fà un prughjettu di custruzzioni di dui golfs in Balagna, fendu l'ughjettu di una deliberazioni di l'Assemblea di Corsica chì duvia essa à u prugrammu di a prossima riunioni di quissa quì da quì à una settimana, nanzi d'essa rimandata finalmenti. È s'è Auropa Eculugia i Verdi dinunziava di manera chjara à l'epica nant'à i nostri ondi issu prughjettu à parechji nivelli, i priurità parini appena sfarenti da u cantu di issu cullettivu, chì batti à prò di una dimarchja d'infurmazioni larga da fà chì a pupulazioni pudissi sapè daveru di chì si tratta inghjiru à u prughjettu, cosa chì saria oghji un bisognu maiò.
Ecoutez Paula Castellani, pour le Collectif d’information et d’action sur les golfs.
