Le 25ème Rallye National de Corte-Centre Corse pour Pascal Trojani
(A redazzioni d'Alta Frequenza) - Trojani – Valliccioni – Succi, eccu u podium di u 25u Rallye Naziunali di Corti Centru di Corsica. Belli uppusizioni duranti dui ghjorni, frà altru trà i dui primi guidi, di un scartu chjucu di una siconda in principiu di sicondu ghjornu, arimani (dumenica). Marc Valliccioni era primu di a spiziali di u Ponti d'Altiani (ES4), davanti à Pascal Trojani cù 6 sicondi. Iss'ultimu hà riagitu subbitu inde l'ES5, passendu davanti à 12 sicondi. Ripighjava, in fini, u leadership. U terzu postu hè statu dinò assai disputatu trà Nanucci, Filippi è Succi, chì hà dunqua tinutu u so postu nant'à u podium. Yannick Rossi, vincia, pà contu soiu, u gruppu N. Una bella vittoria dinò pà l'ASA Restonica, urganisatrici di l'avenimentu, chì aldilà di u bellu spettaculu di sinsazioni uffertu à u publicu, hà avutu quattru di i so membri ind'i quattru primi piazzi (postu chì Nanucci hà compiu 4u).
Sur le même sujet
