Laurent Marcangeli "ne peut plus accepter" la pollution générée par les bateaux accostant dans le port d'Aiacciu
(A ridazzioni d'Alta Frequenza) - Laurent Marcangeli, merri d’Aiacciu è prisidenti lla CAPA, hà dittu ch’idd’era inchietu à veru, parvia di a pulluzioni ch’iddi facini i battelli in u portu d’Aiacciu.
« Sò parichji anni ch’iddi mi sò à veru un pinseri, issi fumi ch’escini da i fumaroli lli navi in u portu ». À senta u merri lla cità, l’aiaccini, ugni ghjornu, sò sposti à prudutti tossichi à veru », com’è l’ossidiu d’azotu è i mitalli grevi, isciuti da a cumbustioni di carburanti è pitroliu.
« Ùn la possu più accittà » dici Laurent Marcangeli, chì ni chjama « i stituzioni publichi lucali, i cumpagnii è tutti quiddi chì sariani cuncirnati à discorra », da rifletta, cù l’aiutu di sperti, à suluzioni altirnativi.
Issu cumunicatu di Laurent Marcangeli hè isciutu duminica, mentri ch’un battillonu di crucera ghjunghjia in u portu d’Aiacciu
