Laurent Marcangeli a écrit un courrier au président de la FFF afin que l'AC Aiacciu puisse jouer les play-offs d'accession à la Ligue 1
Cù a crisa sanitaria, si sò firmati i campiunati di ballò, com’è d’altrondi tanti altri attività spurtivi.
Ma ad oghji, ùn si sà tantu nudda par ciò chì tocca à i cuddati è falati di i squadri prufiziunali di prima o siconda divisioni.
Puri ch’idd’ùn achi ancu pricisatu bè i cosi à LFP, ci duvariani essa dui cuddati è dui falati, in cunfurmità cù u rigulamentu. Hè d’altrondi ciò ch’iddu hà dittu Noël Le Graet, u prisidenti lla fidirazioni francesa di u ballò.
Cusì è stata fatta pà i campiunati amatori di Naziunali è di i divisioni più bassi : Bastia hè pussutu cuddà in Naziunali, in u mentri chì u GFCA si n’hè falatu in Naziunali 2.
Ma ferma u pinseri di i cusì ditti « play-offs » è altri macci di sbarramentu pà i cuddati è falati.
A prima tindenza era d’ùn ghjucà li, è di mantena i squadri di i divisioni suprani. Ma l’affari hè cambiatu à pena issi pochi ghjorna : fatta fini, si pudaria ancu ghjucà u macciu trà u 18esimu di a siconda divisioni è u 3u di Naziunali.
Tandu, sò parichji à dumandà si parchì ùn si pudaria fà cussì, trà i squadri di prima è di siconda divisioni. Dopu à l’ACA, chì hà pruvatu da u so cantu à fà mova i cosi da pudè si dà una pussibilità di cuddata, tocca avali à i merra di i cità tocchi da issa situazioni à fà voci. Laurent Marcangeli, u merri d’Aiacciu, hà datu cunfirma ch’idd’avia signatu, cù i merra di Troyes è di Clermont, un currieri da ch’iddi sichini ghjucati i play-off pà a cuddata i prima divisioni. Issu currieri hè statu mandatu à i stituzioni di u ballò, è più spicialmenti à Noël le Graet, u prisidenti lla fidirazioni francesa di u ballò.
In quantu à i finali di a Cuppa di francia è di a Cuppa lla liga, sò mantinuti oramai.
