Le Direct

A maiurità municipali di Bastia duvaria prupona pà u prossimu cunsigliu una dilibarazioni, da invistì 100 000€ in a SCIC SC Bastia

Dopu à u so passaghju davanti à a DNCG, u SC Bastia circa à sfinazzà quant’iddu pò u capitali lla so SCIC.

Dopu à i 600 000€ purtati da i famiddi Ferrandi è Luigi, dopu à i 200 000€ purtati da i Socios, ci pudaria essa da quì à pocu a participazioni d’una cullittività.

À senta certi infurmazioni, a maiurità municipali di Bastia duvaria prupona pà u prossimu cunsigliu una dilibarazioni, da invistì 100 000€ in a SCIC SC Bastia. S’idda fussi vutata issa dispusizioni, a cità di Bastia participaria à veru à a vita è i prughjetti lla squadra.

Saria in u culleghju lli cullittività, cù 10 % lli dritti di votu è una prisenza à u cunsigliu d’amministrazioni. Issi dritti sò fermi, qual’ch’iddi sichini i capitali purtati da l’altri participanti.