Le Direct

La Ville d'Ajaccio, l'État et la CAPA lancent les premières concertations pour le réaménagement de l'entrée de ville

U statu, a cità d’Aiacciu è a Cumunità d’Agglumirazioni llu Paesu Aiaccinu ani missu in anda un attellu di i tarritoria, da circà à sapè chì avvena dà à u viali Noël Franchini.

Pà i scontri à vena, si circarani i suluzioni tecnichi pà issi circonda ind’idda hè alta a densità di a pupulazioni, è ind’iddi ci sò pinsera di circulazioni è risichi climatichi.

I pieni tarribuli di u 2020 sò fermi à menti, è insignani ch’iddi devini cambià l’affari, innanzi ch’idd’ùn succedini calchì guai.

Dici u merri d’Aiacciu chì a forza publica devi piddà tutta a so piazza da accuncià u locu, è ùn lacà più à quiddi chì portani i prughjetta senza quadri nè ublicazioni.

Steti lu à senta.

U paisaghjistu cunsigliu di a DDTM dici ch’iddu ci voli à fà oghji opara di mimoria, da custruì a intruta di a cità di dumani : u viali Noël Franchini devi à veru essa rinuvatu, da cima à fundu.