La statue du monument aux morts de la Corse a retrouvé sa place sur la nouvelle place Campinchi à Aiacciu
Photo : Cità d'Aiacciu
(A ridazzioni d'Alta Frequenza) - A statula llu munimentu à i morti lla Corsica hà ritrovu marcuri matina u so postu, à nantu à una piazza César Campinchi rinova, in Aiacciu.
Rimissa in istatu in un attellu spicializatu, a statula hà ritrovu u cori lla so cità, par issa piazza nova chì hè guasgi par finiscia. A statula di brunzu, chì pesa setti tonni, hè stata sposta da un arganu à nantu à un basamentu fattu di sissanta blocchi di petra scarpiddinata, di pettu à u marcatu novu.
Ramintemu chì a statula hè di Jean-Dominique Aubiné, un artistu aiaccinu d’urighjina, chì hà vintu u Premiu di Scultura di Roma in u 1922.
