La Semaine de l’Emploi Maritime en Corse débute ce lundi
(A redazzioni d'Alta Frequenza) - Hè ssu luni ch’ella principia A Simana di l’Impiegu Marittimu. Criata dui anni fà da u Pôle Emploi Brittagna, ssa manifistazioni hè urganizata quist’annu in Corsica, fin’è vennari. In Aiacciu, Bastia, L’Isula, Sarrula Carcupinu, Prupià o ancu Purtivechju, ci sò parechji evenimenti pà scopra i mistieri di u mari. U scopu : sinsibulizà i parsoni chì cercani un impiegu nant’à a putenza è l’uppurtunità ch’elli raprisentani i settori in sviluppu di u marittimu, di u nautisimu o di a pesca. Si tratta dinò di fà nascia vucazioni inghjiru à mistieri varii nant’à un’isula induva, d’una manera paradussali, u fattu marittimu, è frà altru u so aspettu ecunomicu, ùn sò micca abbastanza missi in valori. Pà Frédéric Verrons, amministratori inde a Federazioni di l’industrii nautichi, i Corsi, è soprattuttu i ghjovani, ùn devini più ghjirà u spinu à u mari, veru « attrazzu d’emancipazioni ».
Steti à senta à Frédéric Verrons.
Sur le même sujet
