La santé d’abord et pour tous, A saluta prima è per tutti : l'appel des professionnels de santé de Corse
In una lettara aparta à quiddi chì dicidini, i medichi è prufiziunali di saluta di Corsica o liati à a Corsica dani u so parè, di manera cumuna è publica, à nantu à l’abbuccu di ghjunghjiticci pà l’istati.
Ni chjamani à una presa di cuscenza cullittiva, chì s’idd’ùn si faci nudda da parà un pocu issi ghjunti, u risicu ci hè d’una sciagura sanitaria.
«Par noi altri, u più ch’impremi hè a saluta par tutti !». Quissa a dicini chjara è netta, i medichi.
« À ciò ch’idda hè oghji a pandemia, a ghjunta senza cuntrollu micca di frusteri à millai pudaria metta in piriculu a noscia capacità di midicatura, à liveddu umanu è matiriali. I midicanti sò fiacchi, è u numaru di i letti hè limitatu.
Issa ghjunta in quantità di frusteri pudaria ancu fà riparta l’epidemia, è i cunsiquenzi ni sariani dramatichi, pà i statinanti quant’è pà i corsi », dicini i prufiziunali lla saluta.
« Ùn si tratta chivi d’ideulugia o di pustura, ma di saluta publica. Ùn si parla d’inchjustrà si in Corsica, ma d’avvià un metudu chì permetti una prutizzioni attiva di i pupulazioni »
Steti à senta à Michel Mozziconacci, Prisidenti llu Cunsigliu Righjunali di Corsica di l'Ordini di i Medichi
Sur le même sujet
