La présidente de l'Associu Sulidarità Katty Bartoli mise en examen
(A redazzioni d'Alta Frequenza) - A dicisioni hè stata cunnisciuta ssu marti in mità di dopu meziornu in Parighji : a presidenti di l'Associu Sulidarità, Katty Bartoli, hè stata missa in asamini. Cunvucata da un ghjudici contr'à u tarrurisimu di pettu à l'arristazioni di u militanti naziunalistu Franck Paoli, l'hè rimpruvaratu d'avè "piattu un malfattori in leia cù un'intrapresa tarrurista". Libarata, hè sottu à cuntrollu ghjudiziariu, cù l'ubligazioni di ghjustificà a so prisenza tutti i mesi è l'interdizzioni di cumunicà cù i sfarenti prutagunisti di l'affari. Prima ch'ella fussi cumunicata a dicisioni, c'hè stata un'adunita di sustegnu à l'iniziativa di l'Associu Sulidarità davanti u cumissariatu d'Aiacciu. Pà Paul Leonetti, cunsighjeru tarrituriali Pè a Corsica chì faci parti di Sulidarità, si tratta torna d'una dicisioni cù un carattaru puliticu da a parti d'una ghjustizia accanita, quì di pettu à ciò chì pudaria essa qualificatu di "delitu di sulidarità".
Steti à senta à Paul Leonetti.
Sur le même sujet
